25. desember 2006 klukkan 08:05
Spector situr nú fyrir framan tölvuna á bindinu einu klæða, kjamsar á laufabrauði og drekkur jólaöl með!
Hann er ánægður, því aðfangadagskvöld er að verða liðið og það var gott kvöld, voða gott kvöld:)
Hann fékk pakka
Ekki marga, en nokkra
Mjög góða pakka
Má segja að það hafi verið fámennt en góðmennt
Undir trénu á Spector
Nóg af jólunum, Spector vill yfirdrulla aðeins...
Þannig er nú málum háttað að 20 ágúst 2005 lenti Spector í óhappi, braut svokallað bátsbein í úlnliðnum og kostaði það mikið vesen!(Gips í 8 vikur)
Nú jæja, eftir að hafa haft það ágætt varðandi hendina fram í apríl 2006 lendir Spector aftur í óhappi, fer á sjúkrahúsið hér á Egilsstöðum og hittir þennan ágæta lækni.
En hvað gerir læknirinn?
Jú hann segir það sem hver einasti menntaði læknir á öllu andskt Austurlandi hefði sagt "Þetta er bara smá bólga, taktu verkjastillandi í 2 vikur og þetta verður örugglega fínt" ÖRUGGLEGA? já okay Spector trúði þessum manni enda leit hann viturlega út. Feitur, með kringlótt gleraugu og risavaxna vörtu á nefinu.
Samtalið var nokkurn vegin á þessa leið:
Spector: Sæll doktor, ég er slæmur í hendi, heldurðu að þú getir nokkuð litið á þetta?
Doktorinn: Komdu sæll Spector, já ég ætti að geta það. Komdu hérna inn á stofu til mín
Spector:(sest í sæti á stofu doktorsins og bíður átekta)
Doktorinn: Jæja, látum okkur nú sjá.(rétt lítur á hendina með öðru auga). Já þetta er svona, já hérna við skulum setja þig á bólgueyðandi og verkjastillandi í 2 vikur og þetta ætti að vera orðið gott þá. (sagði hann agalega sperrtur eftir að hafa "sjúkdómsgreint" Spector)
Spector: (hreint ekki ánægður) Nei doktor, ég mótmæli þessu! Ég er alveg handlama í hendinni, ég er sannfærður um að þetta er helvítis bátsbeinið að hrella mig einu sinni enn. Taktu mynd af þessu tappi!
Doktorinn: Nei drengur, komdu þér héðan út, Þið ungu menn komið hingað grátandi útaf minnstu hlutum. Snautaðu drengur, snautaðu!
Spector: vertu sæll doktor
Svona fór um sjóferð þá...Spector snautaði heim til sín sárkvalinn í hendi en ákvað að sýna hörku unga mannsinns og láta sem ekkert væri.
Eftir 2 vikur hafði töfluátið borið árangur, bólgan var horfin og sársaukin minni. Takið eftir MINNI!!
Svo kom sumarið og Spector spilaði tuðruspark af miklum móð, vann sína vinnu en kvaldist þó ævinlega ef hann þurfti að bera eitthvað með vinstri hendi.
Svo kom að því að Spector hélt á vit ævintýranna í Keflavík og hóf þar lyftingar með örlítið öðru sniði en hann hafði vanist í heimabæ sínum.
Eftir að hafa kvalist duglega í lyftingum þar og kvartað sáran við Guðbrandsson ákvað Spector að fara í aðra ferð á sjúkrahúsið á Egilsstöðum. Það gerði hann svo miðvikudaginn 20 desember 2006.
Þar tók yndælismanneskja á móti Spector og hlustaði gaumgæfileg á allt það sem hann hafði fram að færa varðandi hendina góðu. Endaði samtalið á því að hún sendi Spector í myndatöku.
Þar kom í ljós að bátsbeinið margumtalaða var brotið, og það mjög illa! Hafði annað brotið færst til í úlnliðnum og valdið þannig hinum mikla sársauka.
Tilkynnti yndæli kvenlæknirinn Specto að ekkert annað kæmi til greina en aðgerð á hendi. Kom þetta Spector í opna skjöldu og er hann alls ekki ánægður með fyrri skaufann sem kallar sig Doktor.
Hefði helv skaufinn tekið mynd strax hefði spector verið settur í gips í apríl 2006 og aðeins þurft að vera í 4 vikur! En þarsem aðgerð þarf að fara fram verður Spector að gangast í gegnum aðgerð og bera svo gips í 1 og hálfan mánuð og svo spelku í einhverjar vikur þar á eftir. Er það gott?
Hvað segiði kæru lesendur? Kommentiði á þetta...hafa fleiri lennt í því að fara til læknis og þeir hafa sagt "bólgueyðandi og hvíla í 2 vikur"!
Spector hefur lennt í því nokkrum sinnum en þó aldrei komið jafn illa út úr því einsog í þessu tilfelli...
Spector kveður....sár....svekktur...reiður...brotinn...en samt svo glaður:)
